റോഡ് ഉദ്ഘാടനം

മുണ്ടൂർ: പഞ്ചായത്തിൽ നിർമ്മാണം പൂർത്തീകരിച്ച കിഴക്കേക്കര-തെക്കുംപുറം, ഗ്രാമദീപം വായനശാല-ചമ്മലക്കുന്ന് റോഡുകളുടെ ഉദ്ഘാടനം എ.പ്രഭാകരൻ എം.എൽ.എ നിർവഹിച്ചു. മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ നിന്ന് 15 ലക്ഷം രൂപ വിനിയോഗിച്ച് കിഴക്കേക്കര-തെക്കുംപുറം റോഡ് 320 മീറ്ററും, ഗ്രാമദീപം വായനശാല-ചമ്മലക്കുന്ന് റോഡ് അഞ്ച് ലക്ഷം രൂപ ചെലവിലുമാണ് നിർമ്മാണം പൂർത്തീകരിച്ചത്. മുണ്ടൂർ പഞ്ചായത്ത് പ്രസിഡന്റ് എം.വി.സജിത അദ്ധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് വി.സി.ശിവദാസൻ, അംഗങ്ങളായ കെ.ബി.പ്രശോഭ്, വി.ലക്ഷ്മണൻ, ബേബി ഗണേഷ്, സ്വാമിനാഥൻ എന്നിവർ സംസാരിച്ചു.