പരാതിക്ക് പരിഹാരം

തിരുവല്ല : മാമ്മൻ മത്തായി ഹാളിൽ നടന്ന വനിതാ കമ്മിഷൻ അദാലത്തിൽ 12 പരാതികൾ തീർപ്പാക്കി. ആകെ 44 പരാതികൾ ലഭിച്ചു. നാലെണ്ണം പൊലിസ് റിപ്പോർട്ടിനും ഒന്ന് ജാഗ്രതാ സമിതി റിപ്പോർട്ടിനും അയച്ചു. രണ്ട് പരാതികൾ ജില്ലാ നിയമ സേവന അതോറിട്ടിക്ക് കൈമാറി. പുതിയതായി ഒരു പരാതി ലഭിച്ചു. 25 കേസുകൾ അടുത്ത സിറ്റിംഗിലേക്ക് മാറ്റി. കമ്മിഷൻ അംഗം അഡ്വ. എലിസബത്ത് മാമ്മൻ മത്തായി നേതൃത്വം നൽകി. പാനൽ അഭിഭാഷക അഡ്വ. സിനി, അഡ്വ. ദസീല പി. ജോസ്, പൊലിസ് ഉദ്യോഗസ്ഥരായ ടി.കെ സുബി, അജിത എന്നിവർ പങ്കെടുത്തു.