പ്രമാടം: നേതാജി ഹയർസെക്കൻഡറി സ്കൂളിലെ മികച്ച വിദ്യാർത്ഥികളിൽ സാമ്പത്തിക പരിമിതിയുള്ള 20പേർക്ക് പ്രതിമാസം 500 രൂപ വീതം സ്കോളർഷിപ്പ് നൽകുന്ന പദ്ധതിക്ക് തുടക്കമായി.
സ്കൂൾ സ്ഥാപകൻ ആക്ളേത്ത് എം.ചെല്ലപ്പൻ പിള്ളയുടെ ഇരുപത്തിയഞ്ചാം ചരമവാർഷികത്തോടനുബന്ധിച്ചാണ് സ്മരണാർഥം ഫൗണ്ടേഴ്സ് സ്കോളർഷിപ്പ്. 5 മുതൽ 9 വരെ ക്ലാസുകളിലെ 3 വീതം കുട്ടികൾക്കും പത്താം ക്ലാസിലെ 5 പേർക്കുമാണ് പ്രതിമാസ സ്കോളർഷിപ്പ് ലഭ്യമാക്കുക. അനുസ്മരണയോഗം സ്കൂൾ മാനേജർ ബി.രവീന്ദ്രൻപിള്ള ഉദ്ഘാടനംചെയ്തു. ഹെഡ്മാസ്റ്റർ കെ.ജയകുമാർ അദ്ധ്യക്ഷനായി. അദ്ധ്യാപകരായ ശ്രീലത.എ,എം.അബ്ദുൾറഷീദ്, ഏബ്രഹാം.കെ.ജെ, പ്രഗതി ഇംഗ്ളിഷ് മീഡിയം സ്കൂൾ പ്രിൻസിപ്പൽ കെ.ബിന്ദു, സ്കൂൾ മാനേജ്മെന്റ് കമ്മിറ്റി അംഗം ടി.ആർ.സുരേഷ് എന്നിവർ പ്രസംഗിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |