ആംഗ്യഭാഷയിൽ പാടി ക്രിസ്മസ് ഗാനം അവതരിപ്പിച്ചു

തിരുവല്ല: ആംഗ്യഭാഷയിൽ ക്രിസ്മസ് ഗാനം അവതരിപ്പിച്ചു സന്തോഷം പങ്കുവച്ച് തുകലശ്ശേരി സി.എസ്.ഐ. ബധിര വിദ്യാലയത്തിലെ കുട്ടികൾ. മലനിരയിൽ അഴകായ് ധനു പെയ്തിറങ്ങി....... എന്ന ഗാനമാണ് അവരൊന്നാകെ ആംഗ്യഭാഷയിൽ വേദിയിൽ അവതരിപ്പിച്ചത്. ക്രിസ്തുവിന്റെ തിരുപ്പിറവി ചിത്രീകരണമായും നൃത്തരൂപത്തിലും അവതരിപ്പിച്ചും അവർ പ്രശംസനേടി. കുട്ടികളുടെ ഗാനാലാപനവും ശ്രദ്ധയാകർഷിച്ചു. സിസ്റ്റർ ജസീന പി.ജോസഫ് ക്രിസ്മസ് സന്ദേശം നൽകി. റവ.അലക്സ്പി വുമൺ അദ്ധ്യക്ഷത വഹിച്ചു. ഹെഡ്മിസ്ട്രസ് സുഷ സൂസൻ ജോർജ്, ഡോ.സൈമൺ ജോൺ, ബിജു ജോൺ, ഷീബാ വർഗീസ്, എന്നിവർ പ്രസംഗിച്ചു. കുട്ടികൾക്ക് സ്നേഹവിരുന്നും ഒരുക്കി.