പള്ളിച്ചൽ പഞ്ചായത്ത് സന്ദർശിച്ചു

ബാലരാമപുരം: ഇന്ത്യ ചൈന ഫ്രണ്ട്സ് അസോസിയേഷൻ പ്രതിനിധി സംഘം പള്ളിച്ചൽ പ‌‌‌‌ഞ്ചായത്തിലെ തദ്ദേശവാർഡുകൾ സന്ദർശിച്ചു.വികസനപ്രവർത്തനങ്ങളേയും ക്ഷേമപദ്ധതികളെയും കുറിച്ച് മനസിലാക്കിയും പ്രഡിഡന്റ് കെ.രാകേഷിന്റെ ഭവനവും സന്ദ‌ർശിച്ച ശേഷമാണ് പ്രതിനിധിസംഘം മടങ്ങിയത്.ഡോക്ടർ ഹെമെ യെങ്ങ്,​ മിനിസ്ട്രി ഒഫ് പൊളിറ്റിക്കൽ കൗൺസിലർ ഷൗ ഗുവോ ഹൂയി,​എംബസി സെക്കൻഡ് സെക്രട്ടറി ഗുവോ ഡോങ് ഡോംഗ് എന്നിവരടങ്ങുന്ന സംഘമാണെത്തിയത്.​ ഗോപി ആചാരി,​ അഡ്വ.രാജദാസ്,​ അഡ്വ.പ്രതാപസിംഗ്,​ അഡ്വ.ഇടപള്ളി ബഷീർ,​ കൃഷ്ണദാസൻ പോറ്റി,സ്റ്റാൻഡിംഗ് കമ്മിറ്റി ചെയർമാൻ സി.ആർ.സുനു,​ജനപ്രതിനിധികളായ ബിന്ദു.രാജേഷ്,​സരിത എന്നിവരും ഒപ്പമുണ്ടായിരുന്നു.