തൃശൂർ: സ്‌കൂൾ പാചക തൊഴിലാളികളുടെ ശമ്പള കുടിശ്ശിക ഉടൻ അനുവദിക്കണമെന്നും 250 കുട്ടികൾക്ക് ഒരു പാചക തൊഴിലാളി എന്ന കണക്കിൽ തൊഴിലാളികളെ നിയമിക്കണമെന്നും സ്‌കൂൾ പാചക തൊഴിലാളി യൂണിയൻ (സി.ഐ.ടി.യു) ജില്ലാ കൺവെൻഷൻ ആവശ്യപ്പെട്ടു. പാചക തൊഴിലാളികളുടെ വേതനത്തിലേക്കുള്ള കേന്ദ്ര വിഹിതം ഉടൻ അനുവദിക്കണം, തൊഴിൽ സ്ഥിരതയും പെൻഷനും അനുവദിക്കണമെന്നും ആവശ്യമുന്നയിച്ചു. സി.ഐ.ടി.യു കേന്ദ്ര വർക്കിംഗ് കമ്മിറ്റിയംഗം പി.കെ. ഷാജൻ ഉദ്ഘാടനം ചെയ്തു. യൂണിയൻ ജില്ലാ പ്രസിഡന്റ് പി.ആർ. വിത്സൻ അദ്ധ്യക്ഷനായി. ജില്ലാ സെക്രട്ടറി സിജി ഷൈജു, കെ.എ. ആബിത, പി.എം. അമ്പിളി, പി.ഐ. റോസി എന്നിവർ പ്രസംഗിച്ചു.