ആദരവും അനുമോദനവും

തൃശൂർ: കേരള പത്രപ്രവർത്തക യൂണിയൻ തൃശൂർ ജില്ലാ കമ്മിറ്റിയുടെ നേതൃത്വത്തിൽ സർവീസിൽ നിന്ന് വിരമിക്കുന്ന സഹപ്രവർത്തകർക്ക് ആദരവും ഉന്നത വിജയം നേടിയ മാദ്ധ്യമ പ്രവർത്തകരുടെ മക്കൾക്കുള്ള അനുമോദനവും സംഘടിപ്പിച്ചു. ജില്ലാ കളക്ടർ അർജ്ജുൻ പാണ്ഡ്യൻ ഉദ്ഘാടനം ചെയ്തു. ബോബി ചെമ്മണ്ണൂർ മുഖ്യാതിഥിയായി. പ്രസ് ക്ലബ്ബ് പ്രസിഡന്റ് എം.ബി.ബാബു അദ്ധ്യക്ഷത വഹിച്ചു. ഇ.എസ്. സുഭാഷ് (ദേശാഭിമാനി), സുഗതൻ. പി. ബാലൻ (മാധ്യമം) എന്നിവർക്ക് കളക്ടർ ഉപഹാരങ്ങൾ സമ്മാനിച്ചു. ഉന്നത വിജയം നേടിയ ഒൻപത് വിദ്യാർഥികളെ ജില്ലാ കളക്ടറും ബോബി ചെമ്മണ്ണൂരും ചേർന്ന് അനുമോദിച്ചു. ഇ.എസ്.സുഭാഷ്. സുഗതൻ.പി.ബാലൻ,സെക്രട്ടറി രഞ്ജിത്ത് ബാലൻ, ട്രഷറർ ടി.എസ്.നീലാംബരൻ എന്നിവർ പ്രസംഗിച്ചു. സിനീയർ ജേർണലിസ്റ്റ് ഫോറം ജില്ലാ സെക്രട്ടറി ജോയ് എം.മണ്ണൂർ, എം.എസ്.സമ്പൂർണ എന്നിവർ പങ്കെടുത്തു.