ജൈവകർഷക സെമിനാർ

മാള: പുന്നക്കപ്പറമ്പിൽ കാർത്യായനി സ്മാരക ട്രസ്റ്റും ചാലക്കുടി ടൗൺ റോട്ടറി ക്ലബും സംയുക്തമായി സംഘടിപ്പിച്ച ജൈവ കാർഷിക സെമിനാറും മെഡിക്കൽ ക്യാമ്പും മാള ശ്രീനാരായണ ഗുരുധർമ്മ ട്രസ്റ്റ് ചെയർമാൻ പി.കെ.സുധീഷ് ബാബു ഉദ്ഘാടനം ചെയ്തു. കർഷകർക്കായി ഹൈബ്രോ പ്ലാന്റിംഗ് പരിശീലനവും ജൈവ കൃഷി പ്രോത്സാഹന ക്ലാസും നടന്നു. സെമിനാറിൽ പങ്കെടുത്ത കർഷകർക്ക് സൗജന്യമായി വിത്തും വളവും വിതരണം ചെയ്തു. പി.ഡി.ദിനേശ് അദ്ധ്യക്ഷനായി. വേണു അനിരുദ്ധൻ ക്ലാസ് നയിച്ചു. പി.കെ.സോമനാഥ്, കെ.ബി.സുനിലാൻ, പി.കെ.പരമേശ്വരൻ, അനീഷ് കുഞ്ഞപ്പൻ, പി.ആർ.പ്രകാശൻ, മൻഹർ മൻസൂർ എന്നിവർ പ്രസംഗിച്ചു.