ബംഗളൂരു: കർണ്ണാടക നിയമസഭ തിരഞ്ഞെടുപ്പ് അടുത്തിരിക്കെ ബി.ജെ.പിക്ക് പിന്തുണ പ്രഖ്യാപിച്ച് മാണ്ഡ്യ എം.പിയും നടിയുമായ സുമലത അംബരീഷ്. മാണ്ഡ്യയുടെ വികസനത്തിന് തന്നെ പിന്തുണയ്ക്കുമെന്ന് ബോദ്ധ്യമുള്ളതിനാൽ പ്രധാനമന്ത്രി നരേന്ദ്ര മോദിയെയും ബി.ജെ.പിയെയും പിന്തുണയ്ക്കുന്നതായി അവർ പറഞ്ഞു. ബി.ജെ.പിക്കായി പ്രചാരണം നടത്തും. ബംഗളൂരു-മൈസൂർ എക്സ്പ്രസ് വേ ഉദ്ഘാടനത്തിനായി പ്രധാനമന്ത്രി ഞായറാഴ്ച മാണ്ഡ്യയിലെത്തുന്നതിനു തൊട്ടുമുമ്പാണ് പ്രഖ്യാപനം എന്നതും ശ്രദ്ധേയമാണ്. എന്നാൽ ബി.ജെ.പിയിൽ ചേരുന്ന കാര്യത്തിൽ തീരുമാനം എടുത്തിട്ടില്ലെന്നും അവർ വ്യക്തമാക്കി. സുമലത ബി.ജെ.പിയിൽ ചേർന്നേക്കുമെന്ന സൂചന നല്കി ബസവരാജ് ബൊമ്മെ രംഗത്തെത്തിയിരുന്നു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |