സൻസദ് ടിവി ചർച്ചയിൽ നിന്ന് പിൻവാങ്ങി തരൂർ

ന്യൂഡൽഹി: പ്രതിപക്ഷ എം.പിമാരുടെ സസ്‌പെൻഷൻ പിൻവലിക്കുന്നതുവരെ പാർലമെന്റ് നടപടികൾ സംപ്രേക്ഷണം ചെയ്യുന്ന സൻസദ് ടിവിയിൽ താൻ അവതരിപ്പിക്കുന്ന 'ടു ദി പോയന്റ്' പരിപാടിയിൽ നിന്ന് വിട്ടുനിൽക്കുകയാണെന്ന് ശശി തരൂർ എം.പി അറിയിച്ചു. പാർലമെന്റ് നടപടികൾ നടക്കുമ്പോൾ ഭരണപക്ഷ എം.പിമാരെ മാത്രം കാണിക്കുന്ന സൻസദ് ടിവി നിലപാടിനെ തരൂർ വിമർശിച്ചു. സസ്‌പെൻഡ് ചെയ്യപ്പെട്ട ശിവസേനാ എം.പി പ്രിയങ്കാ ചതുർവേദി സൻസദ് ടിവിയിലെ 'മേരി കഹാനി' എന്ന പരിപാടിയിൽ നിന്ന് പിന്മാറിയിരുന്നു. അതേസമയം, 12 എം.പിമാർക്കെതിരായ സസ്‌പെൻഷൻ പിൻവലിക്കുന്നതു വരെ രാജ്യസഭയിൽ നിസഹകരണം തുടരുമെന്ന് പ്രതിപക്ഷ നേതാവ് മല്ലികാർജ്ജുന ഖാർഗെ വ്യക്തമാക്കി.