സംസ്ഥാന സബ്ജൂനിയർ സോഫ്റ്റ്‌ബോൾ: എറണാകുളം ഫൈനലിൽ

വിഴിഞ്ഞം: കോട്ടുകാൽ പഞ്ചായത്ത് സ്റ്റേഡിയത്തിലും, നെയ്യാറ്റിൻകര ജി.എച്ച്.എസ്.എസ് സ്റ്റേഡിയത്തിലുമായി നടക്കുന്ന 29 മത് സംസ്ഥാന സബ്ജൂനിയർ സോഫ്റ്റ് ബോൾ ചാമ്പ്യൻഷിപ്പിൽ

പെൺകുട്ടികളുടെ വിഭാഗത്തിൽ എറണാകുളം ഫൈനലിൽ കടന്നു. സെമി ഫൈനലിൽ ആലപ്പുഴയെ 9-6 ന് തോൽപ്പിച്ചാണ് എറണാകുളം ഫൈനലിലെത്തിയത്. രണ്ടാം സെമി ഫൈനലിൽ തൃശൂർ പാലക്കാടിനെ നേരിടും. ആൺകുട്ടികളിൽ കണ്ണൂർ,മലപ്പുറം, പാലക്കാട് ടീമുകൾ സെമിയിൽ പ്രവേശിച്ചു. ഇന്ന് വൈകിട്ട് 4ന് നടക്കുന്ന സമാപന സമ്മേളനത്തിൽ കെ അൻസലൻ എം.എൽ.എ വിജയികൾക്കുള്ള സമ്മാനങ്ങൾ വിതരണം ചെയ്യും.