ബാഴ്സലോണയ്ക്ക് വിജയം

സെൽറ്റ ഡി വിഗോയെ 3-1ന് കീഴടക്കി

മാഡ്രഡ് : സ്പാനിഷ് ലാ ലിഗ ഫുട്ബാളിൽ കഴിഞ്ഞ രാത്രി നടന്ന മത്സരത്തിൽ ബാഴ്സലോണ ഒന്നിനെതിരെ മൂന്ന് ഗോളുകൾക്ക് സെൽറ്റ ഡി വിഗോയെ തോൽപ്പിച്ചു. സ്വന്തം തട്ടകത്തിൽ നടന്ന മത്സരത്തിന്റെ 30-ാം മിനിട്ടിൽ മെം‌ഫിസ് ഡെപേയ്‌യും,41-ാം മിനിട്ടിലും 48-ാം മിനിട്ടിലും പിയറി ഒൗബമയാംഗും നേടിയ ഗോളുകൾക്കാണ് ബാഴ്സയുടെ വിജയം.50-ാംമിനിട്ടിൽ ലാഗോ അസ്പാസാണ് സെൽറ്റയു‌ടെ ആശ്വാസഗോൾ നേടിയത്. 58-ാം മിനിട്ടിൽ മൂറില്ലോ ചുവപ്പുകാർഡ് കണ്ട് പുറത്തായതിനെത്തുടർന്ന് പത്തുപേരുമായാണ് സെൽറ്റ കളി പൂർത്തിയാക്കിയത്. വിജയത്തിന്റെ തിളക്കത്തിനിടയിലും ഡിഫൻഡർ ഒറജൗയ്ക്ക് പരിക്കേറ്റ് മടങ്ങേണ്ടിവന്നത് ബാഴ്സലോണയ്ക്ക് തിരിച്ചടിയായി.

‌ഈ വിജയത്തോടെ ബാഴ്സലോണയ്ക്ക് സീസണിൽ 36 മത്സരങ്ങളിൽ നിന്ന് 72 പോയിന്റായി. പട്ടികയിൽ രണ്ടാം സ്ഥാനത്താണ് ബാഴ്സ. 35കളികളിൽ നിന്ന് 81പോയിന്റുമായി റയൽ മാഡ്രിഡ് ഇക്കുറി നേരത്തെ കിരീ‌ടം സ്വന്തമാക്കിക്കഴിഞ്ഞു.