തിരുവനനന്തപുരം: ട്വന്റി-20യിലെ ഇന്ത്യൻ പ്രതിഭാസം സൂര്യകുമാർ കഴിഞ്ഞ ദിവസം കാര്യവട്ടത്തെ വെടിക്കെട്ട് ഇന്നിംഗ്സിലൂടെ പുതിയ ചില റെക്കാഡുകളും സ്വന്തം പേരിൽ കുറിച്ചു. ട്വന്റി-20യിൽ ഒരു കലണ്ടർ വർഷത്തിൽ ഏറ്റവും കൂടുതൽ സിക്സടിക്കുന്ന താരമെന്ന റെക്കാഡ് സൂര്യ തിരുവനന്തപുരത്തെ ഇന്നിംഗ്സിലൂടെ സ്വന്തമാക്കി. ഇവിടെ മൂന്ന് സിക്സടിച്ച സൂര്യയുടെ ട്വന്റി-20യിലെ ഈ വർഷത്തെ സിക്സുകളുടെ എണ്ണം 45 ആയി. 2021ൽ പാകിസ്ഥാന്റെ മുഹമ്മദ് റിസ്വാൻ നേടിയ 42 സിക്സിന്റെ റെക്കാഡാണ് സൂര്യ പഴങ്കഥയാക്കിയത്. ഒരു കലണ്ടർ വർഷത്തിൽ ഇന്ത്യയ്ക്കായി ട്വന്റി-20യിൽ ഏറ്റവും കൂടുതൽ റൺസെടുക്കുന്ന താരമെന്ന ശിഖർ ധവാന്റെ പേരിലുണ്ടായിരുന്ന റെക്കാഡും സൂര്യ തിരുത്തി. സൂര്യ ഈ വർഷം ഇതുവരെ 732 റൺസ് നേടിക്കഴിഞ്ഞു. 2018ൽ ധവാൻ നേടിയ 689 റൺസായിരുന്നു ഇതുവരെയുള്ള റെക്കാഡ്. കാര്യവട്ടത്തെ മത്സരം തുടങ്ങുന്നതിന് മുമ്പ് തന്നെ സൂര്യ ട്വന്റി-20 ബാറ്രർമാരുടെ റാങ്കിംഗിൽ രണ്ടാം സ്ഥാനത്ത് എത്തിയിരുന്നു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |