JoSSA രജിസ്ട്രേഷൻ 11 വരെ
Wednesday 03 June 2026 2:57 AM IST
ജെ.ഇ.ഇ അഡ്വാൻസ്ഡ് ഫലത്തിന്റെ അടിസ്ഥാനത്തിൽ ഐ.ഐ.ടികൾ, എൻ.ഐ.ടികൾ ഉൾപ്പെടെയുള്ള സ്ഥാപനങ്ങളിലെ പ്രവേശനത്തിനായുള്ള JoSSA രജിസ്ട്രേഷൻ 11 വരെ അപേക്ഷിക്കാം. ജെ.ഇ.ഇ അഡ്വാൻസ്ഡ്, മെയിൻ റാങ്ക് അടിസ്ഥാനത്തിലാണ് പ്രവേശനം. വെബ്സൈറ്റ്: https://josaa.nic.in.
രാജ്യത്തെ 23 ഐ.ഐ.ടികൾ, ഐ.ഐ.എസ്സി ബംഗളൂരു, എൻ.ഐ.ടികൾ, ഐ.ഐ.ടികൾ, മറ്റ് 56 സർക്കാർ ഫണ്ടഡ് ടെക്നിക്കൽ ഇൻസ്റ്റിറ്റ്യൂട്ടുകൾ എന്നിവിടങ്ങളിലെ വിവിധ കോഴ്സുകളിലേക്കുള്ള പ്രവേശനമാണ് JoSSA കൗൺസലിംഗ് വഴി നടക്കുന്നത്.
ജൂൺ 13, 30, ജൂലായ് 6, 10, 16 തീയതികളിലായി നടക്കുന്ന 5 റൗണ്ട് അലോട്ട്മെന്റ് വഴിയാണ് പ്രവേശനം. പെൺകുട്ടികൾക്ക് പ്രത്യേകം സൂപ്പർ ന്യൂമറി സീറ്റുകളുണ്ട്. അലോട്ട്മെന്റ് ലഭിച്ചവർ ഓൺലൈൻ റിപ്പോർട്ടിംഗ് നടത്തിയില്ലെങ്കിൽ തുടർന്നുള്ള അലോട്ട്മെന്റുകളിൽ നിന്ന് പുറത്താകും.