തിരുവനന്തപുരം: വൈദ്യുതി ഉപഭോഗത്തിൽ കഴിഞ്ഞ ദിവസം 200 മെഗാവാട്ടിന്റെ കുറവുണ്ടായി. വൻകിട കമ്പനികളും വ്യവസായ സ്ഥാപനങ്ങളും ഉപഭോഗം കുറച്ചതാണ് അനുകൂലമായത്. ശരാശരി 5777 മെഗാവാട്ട് വൈദ്യുതിയാണിപ്പോൾ സംസ്ഥാനത്തെ പ്രതിദിന ഉപഭോഗം. വൈദ്യുതി ബോർഡിന്റെ അഭ്യർത്ഥനയോട് കമ്പനികൾ സഹകരിച്ചതാണ് കുറവുവന്നതിനു കാരണം. പീക്ക് അവറുകളിൽ വീടുകളിൽ ഒന്നിലധികം എ.സി ഉപയോഗിക്കുന്നതടക്കം കുറച്ചാൽ ഉപഭോഗത്തിൽ ഇനിയും കുറവുവരുമെന്ന് മന്ത്രി കെ.കൃഷ്ണൻകുട്ടി പറഞ്ഞു.