റോഡ് നിർമ്മാണം ആരംഭിച്ചു

അമ്പലപ്പുഴ: മണ്ഡലം വികസന മഹോത്സവത്തിന്റെ ഭാഗമായി പുന്നപ്ര തെക്ക് പഞ്ചായത്തിലെ മാർക്കറ്റിന് കിഴക്ക് ഹാഫിയത്ത് ജംഗ് ഷൻ മുതൽ കിഴക്കോട്ടുള്ള എ. കെ. ജി - കറുത്താമഠം റോഡിന്റെ നിർമ്മാണത്തിന് തുടക്കമായി. എച്ച് .സലാം എം. എൽ .എ നിർമ്മാണോദ്ഘാടനം നിർവ്വഹിച്ചു. മുണ്ടുകാടിന് സമീപം ചേർന്ന സമ്മേളനത്തിൽ പഞ്ചായത്ത് പ്രസിഡന്റ് പി. ജി .സൈറസ് അദ്ധ്യക്ഷനായി. സ്ഥിരം നമിതി അദ്ധ്യക്ഷരായ സുലഭ ഷാജി, എൻ. കെ. ബിജു മോൻ, ബ്ലോക്ക് പഞ്ചായത്തംഗം സതി രമേശ്, പൊതുമരാമത്ത് അസി.എഞ്ചിനീയർ എസ്. ബിനുമോൻ, രാഷ്ട്രീയ പാർട്ടി പ്രതിനിധികളായ വി .കെ ബൈജു, കെ. ജഗദീശൻ എന്നിവർ സംസാരിച്ചു.