അമ്പലപ്പുഴ പാൽപ്പായസത്തിന് 80 രൂപ വർദ്ധിപ്പിച്ചു

അമ്പലപ്പുഴ: പ്രസിദ്ധമായ അമ്പലപ്പുഴ പാൽപ്പായസത്തിന്റെ വില വർദ്ധിപ്പിച്ചു. ഒരു ലിറ്ററിന് 240 രൂപയാണ് പുതിയ വില. 160 രൂപ ആയിരുന്നു പഴയ വില. 2011ന് ശേഷം ആദ്യമായിട്ടാണ് പാൽപ്പായസത്തിന്റെ വില തിരുവിതാംകൂർ ദേവസ്വം ബോർഡ് വർദ്ധിപ്പിക്കുന്നത്. ചിങ്ങം 1 മുതൽ വിലവർദ്ധന തീരുമാനിച്ചിരുന്നെങ്കിലും തിടപ്പള്ളിയുടെ അറ്റകുറ്റപ്പണി കാരണം പുതിയ വാർപ്പ് എത്തിക്കാൻ വൈകിയത് തടസമായി. തയ്യാറാക്കുന്ന പായസത്തിന്റെ അളവ് വ്യാഴം, ഞായർ ദിവസങ്ങളിലും വിശേഷ ദിവസങ്ങളിലും 350 ലിറ്ററായും മറ്റ് ദിവസങ്ങളിൽ 300 ആയും വർദ്ധിപ്പിച്ചിട്ടുണ്ട്.

അതേസമയം,​ വിലവർദ്ധനയിൽ പ്രതിഷേധിച്ച് സമരം നടത്തുമെന്ന് ഹിന്ദു സംഘടനകൾ പറഞ്ഞിരുന്നെങ്കിലും അതുണ്ടായില്ല.