അവാർഡ് ഏറ്റുവാങ്ങി

അമ്പലപ്പുഴ : മികച്ച ഐ. സി .ഡി .എസ് സൂപ്പർവൈസർക്കുള്ള 2024-25 ലെ സംസ്ഥാന തല പുരസ്കാരം പുന്നപ്ര തെക്ക് ഗ്രാമപഞ്ചായത്തിലെ ജീന വർഗീസിന് ലഭിച്ചു. മന്ത്രി വീണ ജോർജിൽ നിന്നും അവാർഡ് സ്വീകരിച്ചു. പുന്നപ്ര തെക്ക് ഗ്രാമപഞ്ചായത്തിലെ അങ്കണവാടികളെ സ്മാർട്ട് അങ്കണവാടികളാക്കി മാറ്റുകയും പഞ്ചായത്തിൽ കുട്ടികൾക്കായി പ്ലേ ഏരിയ തയ്യാറാക്കുകയും പഞ്ചായത്തിനെ ബാലസുഹൃദ ഗ്രാമപഞ്ചായത്ത് ആക്കി മാറ്റാൻ മുന്നിൽ നിന്നു പ്രവർത്തിക്കുകയും ചെയ്തതിനാണ് പുരസ്കാരം. ഗ്രാമപഞ്ചായത്തിലെ എല്ലാ വാർഡുകളിലും ചൈൽഡ് വെൽഫെയർ, പ്രൊട്ടക്ഷൻ കമ്മിറ്റിയും ജാഗ്രത സമിതിയും സൂപ്പർവൈസറുടെ നേതൃത്വത്തിൽ ശക്തമായി പ്രവർത്തിക്കുന്നുണ്ട്.