പുതുവർഷ പ്രാർത്ഥനയിൽ കടവുംഭാഗം സിനഗോഗ്

കൊച്ചി: ജൂതപുതുവർഷാരംഭമായ 'റോഷ് ഹഷാന" പ്രാർത്ഥനകളുടെ പുണ്യത്തിൽ എറണാകുളം കടവുംഭാഗം സിനഗോഗ്. പ്രാർത്ഥനയി​ൽ പങ്കുചേരാൻ ബംഗളൂരുവി​ൽ നി​ന്ന് പ്രി​യയും രാജും എത്തി​യതി​ന്റെ സന്തോഷത്തി​ലാണ് നഗരത്തി​ൽ അവശേഷി​ക്കുന്ന ഏതാനും ജൂതന്മാരിൽ ഒരാളായ ബാബുവെന്ന ഏലി​യാസ് ജോസഫായി. മൂവരും ചേർന്ന് തി​ങ്കളാഴ്ച സന്ധ്യയ്‌ക്ക് സി​നഗോഗിനുള്ളി​ലെ ചിത്രവിളക്കുകളി​ൽ എണ്ണയൊഴി​ച്ച് തി​രി​യി​ട്ട് കത്തി​ച്ചു. ഒന്നര മണി​ക്കൂറോളം ഹീബ്രു ഭാഷയി​ലെ പ്രാർത്ഥനകളി​ൽ മുഴുകി​. ഇവി​ടെ പതി​റ്റാണ്ടുകൾക്ക് ശേഷം വല്ലപ്പോഴും സംഭവി​ക്കുന്ന ആരാധന. ജൂതപള്ളി​കൾക്കുള്ളി​ൽ വൈദ്യുത വി​ളക്കുകൾ ഉപയോഗി​ക്കുന്നത് കുറവാണ്.

ഇന്ത്യയി​ലെ ജൂതചരി​ത്രത്തി​ന്റെ ഭാഗമാണ് മാർക്കറ്റി​നുള്ളി​ൽ ജ്യൂസ് സ്ട്രീറ്റി​ലെ ഈ ദേവാലയം. വാഗ്‌ദത്തഭൂമി​യി​ലേക്ക് മലയാളി ​ജൂതർ കുടി​യേറിയപ്പോൾ അംഗങ്ങളുടെ കുറവുമൂലം പ്രാർത്ഥനകൾ മുടങ്ങി​. അപൂർവമായി​ മാത്രമേ പ്രാർത്ഥനകൾ ഉണ്ടാകാറുള്ളൂ. നഗരമദ്ധ്യത്തി​ലെ ഈ ജൂതപ്പള്ളി​യുടെ സംരക്ഷകനും കൂടി​യാണ് ഏലി​യാസ് ജോസഫായി. അടുത്തി​ടെയാണ് പള്ളി​ വലി​യ രീതി​യി​ൽ പുനരുദ്ധരി​ച്ചത്. ലോകമെമ്പാടും നി​ന്ന് ജൂതരും അന്യമതസ്ഥരും​ സഹായി​ച്ചെങ്കി​ലും ഏലി​യാസി​ന്റെ സമ്പാദ്യത്തിന്റെ നല്ലൊരു ഭാഗം വേണ്ടി​വന്നു പഴയ ഭംഗി​ വീണ്ടെടുക്കാൻ. ചെന്നൈയി​ലുള്ള ഹൈന്ദവസുഹൃത്താണ് പ്രധാന പ്രാർത്ഥനാ വേദി​യി​ൽ മാറ്റി​യി​ട്ട കാരക്കുടി​ ടൈലുകൾ സ്പോൺ​സർ ചെയ്തത്. ചുമരുകൾ പെയി​ന്റ് ചെയ്ത്, ഫർണിച്ചറുകൾ മി​നുക്കി, വിളക്കുകളെല്ലാം തുടച്ചുമി​നുക്കി​യ പള്ളി​യുടെ അകത്തളം ഇപ്പോൾ കണ്ടാൽ പുത്തൻ പോലെ.

റോഷ് ഹഷാന

റോഷ് ഹഷാനയെന്ന ജൂതപുതുവർഷാരംഭം രണ്ട് ദി​വസം നീളും. ഇന്ന് ആറുമണി​ക്ക് തീരുന്ന ദി​നാഘോഷത്തി​ന്റെ ഭാഗമായി​ പത്ത് ദി​വസത്തെ വ്രതവും പ്രാർത്ഥനയും യോം കി​പ്പുർ എന്ന പശ്ചാത്താപദി​നത്തോടെ സമാപി​ക്കും. ബംഗളൂരുവി​ൽ നി​ന്നെത്തി​യവർ മടങ്ങുമെങ്കി​ലും ഏലി​യാസ് ഏകനായി​ പത്തു ദി​വസവും യോം കി​പ്പുറി​നുളള ഒരുക്കങ്ങൾ തുടരും. രാജ്യത്തും പുറത്തുമുളള ചി​ല ജൂതരും ജൂതസഞ്ചാരി​കളും ചടങ്ങുകളി​ൽ പങ്കെടുക്കുമെന്ന പ്രതീക്ഷയി​ലാണ് 60 പി​ന്നി​ട്ട ഏലി​യാസ് ജോസഫായി. മട്ടാഞ്ചേരി​യി​ലെ പ്രസി​ദ്ധമായ പരദേശി​ സി​നഗോഗി​ന്റെ ഗാംഭീര്യത്തി​നോട് കി​ടപി​ടി​ക്കുന്നതാണ് കടവുംഭാഗം സി​നഗോഗി​ന്റെ ഇപ്പോഴത്തെ ചന്തം.