കാഞ്ഞങ്ങാട്: സംസ്ഥാന കേരളോത്സവത്തിൽ വെള്ളിക്കോത്ത് നെഹ്റു ബാലവേദി ടീം കലാകായിക മത്സരങ്ങളിലെ മികച്ച പ്രകടനത്തിന് സംസ്ഥാനത്ത് മൂന്നാം സ്ഥാനം നേടി. അരലക്ഷം രൂപയുടെ കാഷ് പ്രൈസും കരസ്ഥമാക്കി. സംഘഗാനമത്സരത്തിൽ സംസ്ഥാനതലത്തിൽ നേടിയ ഒന്നാം സ്ഥാനത്തോടെയാണ് ഈ നേട്ടം. നീല രാവിൽ എന്നു തുടങ്ങുന്ന ഗാനം ചിട്ടപ്പെടുത്തി പരിശീലിപ്പിച്ചത് സംഗീതജ്ഞൻ പ്രമോദ് പി.നായരാണ്. പയ്യന്നൂർ ശ്രീധരൻ മാസ്റ്ററാണ് ഗാന രചന. അഭിറാം പി.നായർ, എ.രാംപ്രസാദ്, കെ.വി.ശാന്തികൃഷ്ണ, പി.പി.ആതിര, ഐ.കെ.സുരജ, ടി.ആതിര, സി രഞ്ജിനി എന്നിവരാണ് പാടിയത്. ദേശഭക്തി ഗാനത്തിൽ രണ്ടാം സ്ഥാനവുംടീം നേടി. ടീം അംഗം എ.രാം പ്രസാദ് ശാസ്ത്രീയ സംഗീതത്തിൽ രണ്ടും ഹിന്ദുസ്ഥാനിയിൽ മൂന്നും സ്ഥാനം നേടി. കെ.ടി.ചന്ദ്രൻ, എസ്. ഗോവിന്ദരാജ്, സി പി.വിനീഷ് ബാബു എന്നിവരായിരുന്നു സംഘത്തെ നയിച്ചത്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |