ജീവനക്കാരും അദ്ധ്യാപകരും പ്രതിഷേധിച്ചു

കണ്ണൂർ: സംസ്ഥാനത്തെ പാടെ അവഗണിച്ച കേന്ദ്രസർക്കാരിന്റെ ജനവിരുദ്ധ ബജറ്റിൽ പ്രതിഷേധിച്ച് എഫ്.എസ്.ഇ.ടി.ഒയുടെ നേതൃത്വത്തിൽ സംസ്ഥാന ജീവനക്കാരും അധ്യാപകരും ജില്ലാ കേന്ദ്രത്തിലും താലൂക്ക് കേന്ദ്രങ്ങളിലും പ്രതിഷേധ പ്രകടനം നടത്തി.കണ്ണൂരിൽ നടന്ന പ്രതിഷേധ പ്രകടനത്തിന് എഫ്.എസ്.ഇ.ടി.ഒ ജില്ല സെക്രട്ടറി പി.പി.സന്തോഷ് കുമാർ,​പ്രസിഡന്റ് കെ.​സി സുനിൽ,​ ട്രഷറർ കെ.ഷാജി,​ യൂണിയൻ സംസ്ഥാന കമ്മിറ്റി അംഗങ്ങളായ കെ.രഞ്ജിത്ത്, പി.ആർ.സ്മിത,​കെ.ജി.ഒ.എ സംസ്ഥാന കമ്മിറ്റി അംഗം ടി.ഒ.വിനോദ് കുമാർ എന്നിവർ പ്രസംഗിച്ചു.പയ്യന്നൂരിൽ പി.വി.മനോജ്,​ കെ.മോഹനൻ എന്നിവരും തളിപ്പറമ്പിൽ പി.എസ്.ശ്രീജിത്ത് , രാമകൃഷ്ണൻ മാവില, എൻ.ആർ.ഗോവിന്ദൻ, സി ഹാരിസ് എന്നിവരും ഇരിട്ടിയിൽ പി.എ.ലെനിഷ്, എം.എം ബിജു കുമാർ എന്നിവരും ഇരിട്ടിയിൽ സി കെ.ബിജേഷ്, ജയരാജൻ കാരായി, സന്തോഷ് കുമാർ എന്നിവരും പ്രസംഗിച്ചു.