മുഖ്യമന്ത്രിയുടേത് പ്രഹസനം.

കോട്ടയം.കാർഷിക വിളകളുടെ വിലയിടിവ് തടയാൻ സർക്കാർ ഇടപെടണമെന്ന് യു.ഡി.എഫ് ജില്ലാ ചെയർമാൻ സജി മഞ്ഞക്കടമ്പിലും കൺവീനർ ഫിൽസൺ മാത്യുസും സെക്രട്ടറി അസീസ് ബഡായിയും ആവശ്യപ്പെട്ടു. കാർഷിക വിളകളെല്ലാം വലിയ വിലത്തകർച്ച നേരിടുമ്പോൾ ആർഭാടമായി കർഷകസമ്മേളനം സംഘടിപ്പിക്കുന്നവർ കർഷക മേഖലയിലെ പ്രശ്നങ്ങൾക്ക് മുന്നിൽ മൗനം പാലിക്കുന്നത് വഞ്ചനയാണ്. 170 രൂപ താങ്ങുവില പ്രകാരം റബർ കർഷകരിൽ നിന്നും സംഭരിക്കാൻ നടപടി സ്വികരിക്കാതെ മുഖ്യമന്ത്രി കർഷക സമ്മേളനം ഉദ്ഘാടനം ചെയ്യുന്നത് പ്രഹസനമാണ്. നെല്ല് സംഭരണവും അനിശ്ചിതത്വത്തിലാണ്. നവംബർ 7ന് യു.ഡി.എഫ് കോട്ടയം ജില്ലാ കൺവെൻഷൻ നടത്തുമെന്നും നേതാക്കാർ പറഞ്ഞു.