അനുമോദന സമ്മേളനം

കുറ്റ്യാടി : ഡി.വൈ.എഫ്.ഐ കുന്നുമ്മൽ ബ്ലോക്ക് കമ്മിറ്റിയുടെ നേതൃത്വത്തിൽ എസ്.എസ്.എൽ.സി , പ്ലസ് ടു പരീക്ഷകളിൽ മുഴുവൻ വിഷയങ്ങളിലും എ പ്ലസ് നേടിയ വിദ്യാർത്ഥികളെയും എൽ.എസ്.എസ് , യു.എസ്.എസ് വിജയികളെയും അനുമോദിച്ചു . കുറ്റ്യാടി മെഹ്ഫിൽ ഓഡിറ്റോറിയത്തിൽ നടന്ന പരിപാടി പൊതുമരാമത്ത് - ടൂറിസം മന്ത്രി പി.എ മുഹമ്മദ് റിയാസ് ഉദ്ഘാടനം ചെയ്തു. ഡി.വൈ.എഫ്.ഐ കുന്നുമ്മൽ ബ്ലോക്ക് പ്രസിഡന്റ് കെ.രജിൽ അദ്ധ്യക്ഷത വഹിച്ചു. കെ.പി കുഞ്ഞമ്മദ് കുട്ടി എം.എൽ.എ. സംസ്ഥാന യുവജന കമ്മിഷൻ അംഗം പി.സി.ഷൈജു , കാലിക്കറ്റ് യൂണിവേഴ്സിറ്റി സിൻഡിക്കേറ്റ് മെമ്പർ എൽ, ജി ലിജീഷ് , മുൻ ബ്ലോക്ക് സെക്രെട്ടറിമാരായ കെ.കെ സുരേഷ് , എ.എം റഷീദ് , എം.കെ ശശി എ റഷീദ്' കുറ്റ്യാടി ഗ്രാമ പഞ്ചായത്ത് പ്രസിഡന്റ് ഒ.ടി നഫീസ എന്നിവർ പ്രസംഗിച്ചു. ബ്ലോക്ക് സെക്രട്ടറി എം.കെ നികേഷ് സ്വാഗതവും ട്രഷറർ വി. ആർ വിജിത്ത് നന്ദിയും പറഞ്ഞു .