കുറ്റവിചാരണ യാത്ര സമാപന സമ്മേളനം

മേപ്പയ്യൂർ: മേപ്പയ്യൂരിൽ ഭരണ മാറ്റം അനിവാര്യമാണെന്നും, മേപ്പയ്യൂരിൽ യു. ഡി.എഫ് നേതൃത്വത്തിലുള്ള ഭരണം വരേണ്ടത് കാലഘട്ടത്തിൻ്റെ ആവശ്യമാണെന്നും സംസ്കാര സാഹിതി ജില്ലാ ചെയർമാൻ കാവിൽ പി.മാധവൻ പറഞ്ഞു. യു.ഡി.എഫ് മേപ്പയ്യൂർ പഞ്ചായത്ത് കമ്മിറ്റി സംഘടിപ്പിച്ച കുറ്റവിചാരണ യാത്രയുടെ സമാപന സമ്മേളനം ജനകീയ മുക്കിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പി.കെ കുഞ്ഞബ്ദുല്ല അദ്ധ്യക്ഷനായി. ടി.കെ.എ.ലത്തീഫ്, ഇ.കെ.മുഹമ്മദ് ബഷീർ, കമ്മന അബ്ദുറഹിമാൻ, കെ.പി രാമചന്ദ്രൻ, ആന്തേരി ഗോപാലകൃഷ്ണൻ, പി.കെ അനീഷ്, പ്രസന്നകുമാരി ചൂരപ്പറ്റമീത്തൽ, ശ്രേയസ് ബാലകൃഷ്ണൻ, സി.എം ബാബു, എം.കെ ഫസലുറഹ്മാൻ എന്നിവർ പ്രസംഗിച്ചു.