ശാസ്താ ഭഗവതി ക്ഷേത്രോത്സവം

മുക്കം : തേക്കുംകുറ്റി ഒരുങ്ങിപ്പാറ ശാസ്താ ഭഗവതി ക്ഷേത്രത്തിലെ പ്രതിഷ്ഠാദിന വാർഷിക ഉത്സവം ഇന്നും നാളെയും നടക്കും. ഇന്ന് വൈകിട്ട് ദീപാരാധന, ആചാര്യവരണം, പ്രാസാദശുദ്ധി, രക്ഷോഘ്ന ഹോമം, വാസ്തുകലശ പൂജ , വാസ്തു ഹോമം, വാസ്തു ബലി, രാത്രി 7.30ന് എ. പി. മുരളീധരന്റെ ആധ്യാത്മിക പ്രഭാഷണം, 8 .30 ന് നൃത്ത പരിപാടികൾ തുടങ്ങിയവ ഉണ്ടാകും. രണ്ടാം ദിവസമായ നാളെ പുലർച്ചെ ഗണപതിഹോമം, കലശപൂജ, കലശം ആടി ഉച്ചപൂജ , വൈകിട്ട് പൊന്മൂലം ഭഗവതിക്കാവിൽ നിന്ന് താലപ്പൊലി ഘോഷയാത്ര, സർപ്പപൂജ, ഭഗവതിസേവ, രാത്രി മ്യൂസിക് നൈറ്റ് എന്നിവ നടക്കും. എല്ലാദിവസവും അന്നദാനവും ഉണ്ടായിരിക്കും.