സ്വച്ഛതാ ഹി സേവ ക്യാമ്പയിൻ

ചെങ്ങന്നൂർ : നഗരസഭയിൽ സ്വച്ഛതാ ഹി സേവാ ക്യാമ്പയിൻ ആരംഭിച്ചു. ഒക്ടോബർ 2 വരെ നടക്കുന്ന ക്യാമ്പയിന്റെ ഉദ്ഘാടനവും പോസ്റ്റർ പ്രകാശനവും നഗരസഭ ചെയർപേഴ്‌സൺ അഡ്വ.ശോഭ വർഗീസ് നിർവഹിച്ചു. ആരോഗ്യ സ്റ്റാന്റിംഗ് കമ്മിറ്റി ചെയർപേഴ്‌സൺ ടി.കുമാരി അദ്ധ്യക്ഷത വഹിച്ചു. വൈസ് ചെയർമാൻ കെ.ഷിബുരാജൻ മുഖ്യ പ്രഭാഷണം നടത്തി. റിജോ ജോൺ ജോർജ്, അശോക് പടിപ്പുരയ്ക്കൽ,​ എസ്.സുധാമണി, എം.ഹബീബ്, സി.നിഷ, അശ്വതി ജി.ശിവൻ എന്നിവർ പ്രസംഗിച്ചു. വിവിധ സന്നദ്ധ സംഘടനകൾ, സ്ഥാപനങ്ങൾ എന്നിവയോട് സഹകരിച്ച് മാലിന്യ സംസ്‌കരണ പ്രവർത്തനങ്ങളും ബോധവത്കരണവും സംഘടിപ്പിക്കും.