മുഖദർശനം മ്യൂസിയം ദർശനം ഉദ്ഘാടനം

തിരുവനന്തപുരം: അന്താരാഷ്ട്ര മ്യൂസിയം ദിനാഘോഷത്തോടനുബന്ധിച്ച് സംസ്ഥാന പുരാവസ്തു,പുരാരേഖ,മ്യൂസിയം വകുപ്പ് 'കണ്ണാടി - 2 മുഖദർശനം മ്യൂസിയം ദർശനം' എന്ന പേരിൽ വൈവിദ്ധ്യമായ പരിപാടികൾ സംഘടിപ്പിക്കും.മ്യൂസിയങ്ങൾ ജനങ്ങളിലേക്ക് എന്ന പദ്ധതിയുടെ ഭാഗമായാണ് 21,22,23 തീയതികളിൽ പരിപാടികൾ നടക്കുക.പൈതൃക വീഥി പ്രദർശനം,നൈറ്റ് മ്യൂസിയം തുടങ്ങിയവയ്ക്കു പുറമെ കലാപരിപാടികളും നടക്കും.

ഉദ്ഘാടനം കേരള ചരിത്ര പൈതൃക മ്യൂസിയം പരിസരത്ത് 21ന് വൈകിട്ട് 5ന് മന്ത്രി രാമചന്ദ്രൻ കടന്നപ്പള്ളി നിർവഹിക്കും.വി.കെ.പ്രശാന്ത് എം.എൽ.എ അദ്ധ്യക്ഷനാകും.വകുപ്പ് അഡിഷണൽ ചീഫ് സെക്രട്ടറി ഡോ.രാജൻ.എൻ.ഖോബ്രഗഡെ,മുൻ ചീഫ് സെക്രട്ടറി ഡോ.വേണു.വി,പുരാവസ്തു ഡയറക്ടർ ഡോ.ഇ.ദിനേശൻ,മ്യൂസിയം മൃഗശാല വകുപ്പ് ഡയറക്ടർ മഞ്ജുളാദേവി.പി.എസ്,പുരാരേഖ വകുപ്പ് ഡയറക്ടർ ഇൻചാർജ് പാർവതി.എസ്,കേരളമ്യൂസിയം എക്സിക്യുട്ടീവ് ഡയറക്ടർ ആർ.ചന്ദ്രൻ പിള്ള,നഗരസഭ കൗൺസിലർ പാളയം രാജൻ തുടങ്ങിയവർ പങ്കെടുക്കും.