രക്തസാക്ഷി സ്മൃതിയും ചെത്തുതൊഴിലാളികളെ ആദരിക്കലും

കാഞ്ഞാണി: ഏനാമാവ് പെരിങ്ങോട്ടുകര ചെത്തുതൊഴിലാളി യൂണിയൻ (എ.ഐ.ടി.യു.സി) 80-ാം വാർഷികാഘോഷ സമാപനത്തിന്റെ ഭാഗമായി കാഞ്ഞാണിയിൽ സംഘടിപ്പിച്ച രക്തസാക്ഷി സ്മൃതിയും ചെത്തുതൊഴിലാളികളെ ആദരിക്കുന്ന ചടങ്ങും സി.പി.ഐ സംസ്ഥാന എക്‌സിക്യൂട്ടിവ് അംഗം സി.എൻ. ജയദേവൻ ഉദ്ഘാടനം ചെയ്തു. സംഘാടക സമിതി ചെയർമാൻ വി.ജി. രാധാകഷ്ണൻ അദ്ധ്യക്ഷനായി. സി.പി.ഐ സംസ്ഥാന കൗൺസിൽ അംഗം രാഗേഷ് കണിയാംപറമ്പിൽ, ജില്ലാ എക്‌സിക്യൂട്ടീവ് അംഗങ്ങളായ പി.കെ. കൃഷ്ണൻ, എൻ.കെ. സുബ്രഹ്മണ്യൻ, ജില്ലാ കൗൺസിൽ അംഗം കെ.വി. വിനോദൻ, മണ്ഡലം സെക്രട്ടറി വി.ആർ. മനോജ്, അസി. സെക്രട്ടറി പി.എസ്. ജയൻ, എ.ഐ.ടി.യു.സി മണ്ഡലം സെക്രട്ടറി സണ്ണി വടക്കൻ, പി.ബി. ഹരിദാസ്, എം.ആർ. മോഹനൻ എന്നിവർ സംസാരിച്ചു.