സ്‌നേഹ സംഗമം രണ്ടിന്

തൃശൂർ: തങ്ങാലൂർ ദർശനവീടിന്റെ സ്‌നേഹസംഗമം രണ്ടിന് ദേവമാത ഇന്റർനാഷണൽ സ്‌കൂളിൽ നടക്കും. രാവിലെ 8.45ന് വിളംബര ജാഥയുടെ പരിപാടികൾക്ക് തുടക്കമാകും. വയലിനിസ്റ്റ് മനോജ് ജോർജ് ഉദ്ഘാടനം ചെയ്യും. വിവിധ മേഖലകളിൽ കഴിവ് തെളിയിച്ച കുട്ടികളെയും സ്‌കൂളുകളേയും അനുമോദിക്കും. വിളംബര ജാഥയിലും ഡിസ്‌പ്ലേയിലും വിജയികൾ ആകുന്നവർക്ക് സമ്മാനങ്ങളും പങ്കെടുക്കുന്ന മുഴുവൻ കുട്ടികൾക്ക് പ്രോത്സാഹന സമ്മാനങ്ങളും നൽകും. ഭിന്നശേഷിക്കാരായ വിദ്യാർത്ഥികളുടെ കഴിവുകൾ പ്രോത്സാഹിപ്പിക്കുകയും അവരെ സമൂഹത്തിന്റെ മുഖ്യധാരയിലേക്ക് കൊണ്ടുവരികയുമാണ് സ്‌നേഹസംഗമത്തിന്റെ ലക്ഷ്യമെന്ന് ഭാരവാഹികൾ പറഞ്ഞു.
വാർത്താസമ്മേളനത്തിൽ ഭാരവാഹികളായ ജയിംസ് നീലങ്കാവിൽ, ബിനോയ് രാജൻ, സി.വി. റീന, പ്രഭാവതി ബിനോയ് എന്നിവർ പങ്കെടുത്തു.