ഇമ്രാൻ ഖാന് ജാമ്യം ലഭിച്ചേക്കും

ഇസ്ലാമാബാദ്: ജയിലിൽ കഴിയുന്ന പാകിസ്ഥാൻ മുൻ പ്രധാനമന്ത്രിയും പി.ടി.ഐ പാർട്ടി (പാകിസ്ഥാൻ തെഹ്‌രീക് - ഇ - ഇൻസാഫ് ) നേതാവുമായ ഇമ്രാൻ ഖാന് ജാമ്യം ലഭിച്ചേക്കുമെന്ന് സൂചന. ഇമ്രാനും ഭാര്യ ബുഷ്‌റയ്ക്കും എതിരെയുള്ള ഭൂമി അഴിമതിക്കേസിലെ ജാമ്യാപേക്ഷ ഇസ്ലാമാബാദ് ഹൈക്കോടതി നാളെ പരിഗണിക്കും. കേസിൽ ഇമ്രാന് 14 വർഷവും ബുഷ്‌റയ്ക്ക് 7 വർഷവും വീതമാണ് തടവ് വിധിച്ചിട്ടുള്ളത്. വിവിധ അഴിമതി കേസുകളെ തുടർന്ന് ഇമ്രാൻ 2023 ഓഗസ്റ്റ് മുതൽ റാവൽപിണ്ടിയിലെ അഡിയാല ജയിലിലാണ്. താൻ അധികാരത്തിൽ തിരിച്ചെത്താതിരിക്കാനുള്ള രാഷ്ട്രീയ പ്രേരിതമായ കേസുകളാണിതെന്ന് ഇമ്രാൻ ആരോപിക്കുന്നു.