ഹാൻഡ്‌ബോൾ ജില്ലാ ടീം സെലക്ഷൻ 5 ന്

കൊല്ലം: സംസ്ഥാന മിനി, സബ് ജൂനിയർ ഹാൻഡ്‌​ബോൾ ചാമ്പ്യൻഷിപ്പുകളിൽ ജില്ലയെ പ്രതിനിധീകരിക്കുന്ന ടീമുകളെ തിരഞ്ഞെടുക്കുന്നതിനുള്ള സെലക്ഷൻ ട്രയൽസ് 5 ന് രാവിലെ 8 മുതൽ കൊല്ലം ക്യു.എ.സി ഗ്രൗണ്ടിൽ നടക്കും. മിനി വിഭാഗത്തിൽ പങ്കെടുക്കുന്നവർ 2013 ജനുവരി ഒന്നിന് ശേഷവും സബ് ജൂനിയർ വിഭാഗത്തിൽ ഉള്ളവർ 2011 ജനുവരി ഒന്നിന് ശേഷവും ജനിച്ചവരായിരിക്കണം. ആൺകുട്ടികൾക്കും പെൺകുട്ടികൾക്കും പങ്കെടുക്കാം. ഒരു പാസ്‌​പോർട്ട് സൈസ് ഫോട്ടോയും ജനനത്തീയതി തെളിയിക്കുന്ന രേഖകളും കരുതണം. തിരഞ്ഞെടുക്കപ്പെടുന്നവർക്ക് 23, 24 തീയതികളിൽ കണ്ണൂർ ജില്ലയിലെ പാടിയോട്ടുചാലിൽ നടക്കുന്ന 22- ാമത് സംസ്ഥാന മിനി ചാമ്പ്യൻഷിപ്പിലും കാസർകോട്ട് നടക്കുന്ന സംസ്ഥാന സബ് ജൂനിയർ ചാമ്പ്യൻഷിപ്പിലും കൊല്ലം ജില്ലയെ പ്രതിനിധീകരിക്കാം. ഫോൺ: 9496209688, 9633450123.