ഹെൽത്ത്, ന്യൂട്രീഷൻ ബോധവത്കരണ ക്യാമ്പ്

ഓച്ചിറ: ഓച്ചിറ ഗ്രാമപഞ്ചായത്ത് ഐ.സി.ഡി.എസും സാമൂഹിക നീതി വകുപ്പും സംയുക്തമായി നടപ്പാക്കുന്ന 'പോഷൻ പക്വാഡ 2026' പദ്ധതിയും ഹെൽത്ത് ന്യൂട്രീഷൻ ബോധവത്കരണ ക്യാമ്പും ഗ്രാമപഞ്ചായത്ത് പ്രസിഡന്റ് എൻ. കൃഷ്ണകുമാർ ഉദ്ഘാടനം ചെയ്തു. പോഷകാഹാരത്തിന്റെ പ്രാധാന്യം മനസി​ലാക്കി കൊടുക്കുകയും കുറവുള്ളവരെ കണ്ടെത്തി പോഷകാഹാരം നൽകി ആരോഗ്യം ഉള്ളവരാക്കുകയും ചെയ്യുന്നതാണ് പദ്ധതി. ഗർഭിണി ആകുന്നത് മുതൽ ആയിരം ദിവസം സുവർണ ദിനങ്ങൾ ആക്കി മാറ്റുന്ന പ്രക്രിയയും ഈ പദ്ധതിയിൽ ഉൾപ്പെടുത്തിയിട്ടുണ്ട്. ഗ്രാമപഞ്ചായത്ത് വൈസ് പ്രസിഡന്റ് മുബീന നാസിം അദ്ധ്യക്ഷത വഹിച്ചു. ബി. സെവന്ത് കുമാരി, കാർത്തിക, ജയകുമാരി, അശോകൻ, കൃഷ്ണപ്രിയ, ഐ.സി.ഡി.എസ് സൂപ്പർവൈസർ സ്വപ്നകുമാരി തുടങ്ങിയവർ പങ്കെടുത്തു