കേരളം ഫൈനലിൽ

നാരായൺപുർ : ഛത്തിസ്ഗഢിലെ നാരായൺപുറിൽ നടക്കുന്ന സ്വാമി വിവേകാനന്ദ അണ്ടർ -20 മെൻസ് ദേശീയ ഫുട്ബോൾ ചാമ്പ്യൻഷിപ്പിൽ കേരളം ഫൈനലിൽ. വാശിയേറിയ സെമി ഫൈനൽ മത്സരത്തിൽ കരുത്തരായ പഞ്ചാബിനെ ഒന്നിനെതിരെ 4 ഗോളുകൾക്ക് തകർത്താണ് കേരളം ഫൈനലിൽ പ്രവേശിച്ചത്. ഷെറിൽ ഷാജി 2 ഗോളും ഉസ്മാൻ, കാൽവിൻ എന്നിവർ ഓരോ ഗോളുകൾ വീതവും നേടി. 27 ന് നടക്കുന്ന ഫൈനലിൽ കേരളം മിസോറാമിനെ നേരിടും. സീനിയർ ഇന്ത്യൻ ടീം കോച്ച് രഞ്ജിത് ടി. എ ആണ് പരിശീലകൻ.