മൊബൈൽ കവർച്ച: പ്രതികൾ പിടിയിൽ

തിരുവനന്തപുരം: മൊബൈൽ ഫോൺ കവർന്ന പ്രതികൾ പിടിയിൽ. പുളിയറക്കോണം സെന്റ് മേരീസ് സ്കൂളിന് സമീപം വടക്കുംകര വീട്ടിൽ ആദർശ് (24), പി.ടി.പി നഗർ കോണത്തുകുളങ്ങര വീട്ടിൽ അഭിലാഷ് (34), പേരൂർക്കട വാഴോട്ടുകോണം മൂന്നാംമൂട് അനിത ഭവനിൽ നൗഫൽ (25) എന്നിവരെയാണ് വട്ടിയൂർക്കാവ് പൊലീസ് പിടികൂടിയത്.

കഴിഞ്ഞ ദിവസം അർദ്ധരാത്രി 12.15ഓടെയായിരുന്നു സംഭവം. കാഞ്ഞിരംപാറ ഭാഗത്തുള്ള ഹോട്ടലിന്റെ പാർക്കിംഗ് സ്ഥലത്ത് ഇരിക്കുകയായിരുന്ന വട്ടിയൂർക്കാവ് സ്വദേശിയായ യുവാവിനെ ആക്രമിക്കുകയും കൈവശമുണ്ടായിരുന്ന ഒന്നേകാൽ ലക്ഷം വിലയുള്ള മൊബൈൽഫോൺ തട്ടിപ്പറിച്ച് കടന്നുകളയുകയുമായിരുന്നു. അറസ്റ്റ് ചെയ്ത പ്രതികൾക്കെതിരെ നിയമ നടപടികൾ സ്വീകരിച്ചു.