കേരള സർവകലാശാല

ബിഎഡ് പ്രവേശനം

 അഫിലിയേറ്റ് ചെയ്തിട്ടുള്ള ഗവ, എയ്ഡഡ്, സ്വാശ്രയ, കെ.യു.സി.ടി.ഇ കോളേജുകളിൽ ഒഴിവുള്ള ബിഎഡ് സീറ്റുകളിലേക്ക് 25ന് കോളേജ് തലത്തിൽ സ്പോട്ട് അലോട്ട്മെന്റ് നടത്തും.

കോളേജുകളിൽ ഒഴിവുള്ള ബിരുദാനാന്തര ബിരുദ സീറ്റുകളിൽ സ്പോട്ട് അലോട്ട്മെന്റ് നടത്തും. കൊല്ലം മേഖലയിലെ കോളേജുകളിൽ 26നും ആലപ്പുഴയിൽ 27നും തിരുവനന്തപുരത്ത് 29, 30 തീയതികളിലുമാണ് അലോട്ട്മെന്റ്. വിവരങ്ങൾ https://admissions.keralauniversity.ac.in/pg2025/ വെബ്സൈറ്റിൽ.

ജൂണിൽ നടത്തിയ എംഎസ്‍സി ഡാറ്റാ സയൻസ്, എംഎസ്‍സി ഡെമോഗ്രഫി ആൻഡ് ബയോസ്റ്റാറ്റിസ്റ്റിക്സ് പരീക്ഷാഫലം പ്രസിദ്ധീകരിച്ചു.

ജനുവരിയിൽ നടത്തിയ അഞ്ചാം സെമസ്റ്റർ ബിടെക് (2013 സ്കീം) കമ്പ്യൂട്ടർ സയൻസ് എൻജിനിയറിംഗ് ബ്രാഞ്ചിന്റെ പ്രാക്ടിക്കൽ പരീക്ഷകൾ 25, 26 തീയതികളിൽ കാര്യവട്ടം യൂണിവേഴ്സിറ്റി കോളേജ് ഒഫ് എൻജിനിയറിംഗിൽ വച്ച് നടത്തും.

പുതിയ കോളേജ്/പുതിയ കോഴ്സ്/നിലവിലുള്ള കോഴ്സുകളിൽ സീറ്റ് വർദ്ധനവ്/അധിക
ബാച്ച് എന്നിവക്ക് സെപ്തംബർ ഏഴിനകം അപേക്ഷിക്കാം. വിവരങ്ങൾ www.keralauniversity.ac.in വെബ്സൈറ്റിൽ.