സി.പി.എം കേന്ദ്രകമ്മിറ്റി ഇന്നുമുതൽ

ന്യൂഡൽഹി: മൂന്നു ദിവസത്തെ സി.പി.എം കേന്ദ്ര കമ്മിറ്റി യോഗം ഇന്ന് ഡൽഹിയിൽ തുടങ്ങും. അഞ്ച് സംസ്ഥാനങ്ങളിലെ തിരഞ്ഞെടുപ്പ്, ലോക്‌സഭാ തിരഞ്ഞെടുപ്പിന്റെ തയ്യാറെടുപ്പ്, ഇന്ത്യ മുന്നണിയിലെ തർക്കങ്ങൾ എന്നിവയാണ് പ്രധാന അജൻഡ.

പാലസ്‌തീൻ-ഇസ്രയേൽ സംഘർഷത്തിൽ ഇന്ത്യയുടെ നിലപാടും ചർച്ചയാകും. കേന്ദ്ര കമ്മിറ്റിക്കു മുന്നോടിയായുള്ള പൊളിറ്റ് ബ്യൂറോ യോഗം ഇന്നലെ ചേർന്നു.

ഇന്ത്യ മുന്നണിയുടെ ഏകോപന സമിതിയിൽ സി.പി.എം പ്രതിനിധി വേണ്ടെന്ന പി.ബി തീരുമാനത്തിനെതിരെ സംസ്ഥാന കമ്മിറ്റിയിൽ എതിർപ്പുയർന്നത് കേരള ഘടകം റിപ്പോർട്ട് ചെയ്തേക്കും. എൻ.ഡി​.എയി​ൽ ചേരാനുള്ള ജെ.ഡി.എസ് ദേശീയ ഘടകത്തി​ന്റെ തീരുമാനം എൽ.ഡി​.എഫി​ലുള്ള സംസ്ഥാന ഘടകം എതി​ർത്തതും യോഗത്തെ അറി​യി​ക്കും.