പ്രസവ ശസ്ത്രക്രിയയ്ക്കിടെ നവജാതശിശു മരിച്ചു

 ചികിത്സാപ്പിഴവെന്ന് ബന്ധുക്കൾ

ഫറോക്ക്​: സ്വകാര്യ ആശുപത്രിയിൽ പ്രസവ ശസ്ത്രക്രിയയ്ക്കിടെ നവജാത ശിശു മരിച്ചു.​ കോഴിക്കോട് ഫറോ​ക്ക് ചുങ്കത്തെ സ്വകാര്യ ആശുപത്രിയി​ലാണ് സംഭവം. ഫറോക്ക്​ ചന്തക്കടവ് സ്വദേശിനി അശ്വതിയുടെ കുഞ്ഞാണ് മരിച്ചത്. ചികിത്സാപ്പിഴവെന്ന് ആരോപിച്ച് ബന്ധുക്കൾ രംഗത്തെത്തി.​ ഇന്ന​ലെ രാവിലെയാണ് അശ്വതിയെ ആശുപത്രിയിൽ പ്രവേശിപ്പിച്ചത്.​ ആശുപത്രിയിലെത്തിയപ്പോൾ ആരോഗ്യ പ്രശ്നങ്ങളില്ലായിരുന്നുവെന്ന് ബന്ധുക്കൾ പറഞ്ഞു. പിന്നീട് പ്രസവ മുറിയിലേക്ക് മാറ്റി. എന്നാൽ ശസ്ത്രക്രിയയ്ക്ക് ശേഷം കുഞ്ഞിന് അനക്കമില്ലെന്ന് ആശുപത്രി അധികൃതർ അറിയിക്കുകയായിരുന്നു. ഓപ്പറേഷൻ തിയേറ്ററിൽ വൈദ്യുതി ഇല്ലായിരുന്നുവെന്നും ബന്ധുക്കൾ പറഞ്ഞു. അതേസമയം, ചികിത്സാപ്പിഴവ് ഉണ്ടായിട്ടില്ലെന്ന് ആശുപത്രി അധികൃതർ അറിയിച്ചു. പെട്ടെന്ന് കുഞ്ഞ‌ിന്റെ ഹൃദയമിടിപ്പ് കുറയുകയായിരുന്നുവെന്നാണ് വിശദീകരണം. ബന്ധുക്കൾ പൊലീസിൽ പരാതി നൽകിയിട്ടുണ്ട്.