പലും തൈരും തണുപ്പിക്കണം

അമ്പലപ്പുഴ: അന്തരീക്ഷ താപനില ക്രമാതീതമായി വർദ്ധിക്കുന്നതിനാൽ, വാങ്ങുന്ന പാലും തൈരും തണുപ്പിച്ച് സൂക്ഷിക്കണമെന്ന് മിൽമ മുനന്നറിയിപ്പ് നൽകി . അന്തരീക്ഷ ഊഷ്മാവിൽ പാലും, തൈരും സൂക്ഷിക്കുന്നത് ഗുണനിലവാരം നഷ്ടപ്പെടുന്നതിനോ ഉപയോഗശൂന്യമാകുന്നതിനോ ഇടവരുത്തും. 8 ഡിഗ്രിയിലോ അതിലും താഴ്ന്ന താപനിലയിലോ ആണ് തണുപ്പിച്ച് സൂക്ഷിക്കേണ്ടത്. ഫ്രീസറിൽ വച്ച് കട്ടിയാക്കാതെ ചില്ലറിൽ സൂക്ഷിച്ചാൽ മതിയാകും. പാൽ കവറുകൾ വെള്ളത്തിൽ ഇട്ട് സൂക്ഷിക്കുന്നതും ഒഴിവാക്കണം. മിൽമയുടെ അംഗീകൃത ഏജൻസികളിൽ നിന്നു മാത്രം പാലും, തൈരും വാങ്ങാൻ ശ്രദ്ധിക്കണമെന്നും അറിയിപ്പിൽ പറയുന്നു.