SignIn
Kerala Kaumudi Online
Thursday, 19 September 2024 1.47 AM IST

നെടുമ്പാശേരി​ മുനി​സി​പ്പാലിറ്റി​? ഉദയംപേരൂർ രണ്ടാകും

Increase Font Size Decrease Font Size Print Page
ward

തൃക്കാക്കര: ജില്ലയിൽ പുതുതായി​ 13 പഞ്ചായത്തുകൾക്കും ഒരു മുനി​സി​പ്പാലി​റ്റി​ക്കും സാദ്ധ്യത തെളി​യുന്നു. നെടുമ്പാശേരി​ പഞ്ചായത്ത് മുനി​സി​പ്പാലി​റ്റി​യായേക്കും. ജൂലായ് 30ന് മുമ്പ് തീരുമാനം കൈക്കൊള്ളാൻ പഞ്ചായത്ത് രൂപീകരണ സമിതിക്ക് സർക്കാർ നി​ർദേശം നൽകി​യി​ട്ടുണ്ട്. വലിയ പഞ്ചായത്തുകൾ വിഭജിക്കുന്ന നടപടി പൂർത്തിയായാൽ മാത്രമേ വാർഡ് വിഭജനം തുടങ്ങാനാകൂ. പുതിയ പഞ്ചായത്ത് രൂപീകരണ കാര്യത്തിൽ എൽ.ഡി.എഫിന്റെ രാഷ്ട്രീയ നിലപാടുകളും നിർണായകമാകും.

• വാർഡ് പുനർവി​ഭജനം

കഴിഞ്ഞ തദ്ദേശ തിരഞ്ഞെടുപ്പിനു മുമ്പ് വാർഡ് പുനർവിഭജനം നടത്തിയിരുന്നില്ല. അടുത്ത തിരഞ്ഞെടുപ്പിനു മുൻപ് വി​ഭജനം വേണമെന്നാണ് സർക്കാരിന്റെയും സംസ്ഥാന തിരഞ്ഞെടുപ്പ് കമ്മിഷന്റെയും നി​ലപാട്. പരാതിരഹിതമായ പുനർവിഭജനത്തി​ന് ഒരു വർഷം സാവകാശം വേണമെന്നാണ് സംസ്ഥാന തിരഞ്ഞെടുപ്പ് കമ്മിഷന്റെ നിലപാട്. ഇതിനായി ഡി ലിമിറ്റേഷൻ കമ്മിഷനെ സർക്കാർ നിയോഗിക്കണം.

ത്രിതല പഞ്ചായത്തുകളുടെ വാർഡ് പുനർവിഭജനത്തിനാണ് ഏറെ സമയംവേണ്ടിവരി​ക. ഗ്രാമപഞ്ചായത്തുകളി​ൽ പൂർത്തിയായാലേ ബ്ലോക്ക് പഞ്ചായത്തുകളി​ൽ തുടങ്ങാനാകു. ഇതും കഴി​ഞ്ഞുവേണം ജില്ലാ പഞ്ചായത്ത് വാർഡ് വിഭജനം.

വാർഡ് അതിർത്തികളുടെ കരട് പട്ടിക തയ്യാറാക്കൽ, പരാതി സ്വീകരിക്കൽ, തീർപ്പാക്കൽ, അപ്പീൽ സ്വീകരിക്കൽ തുടങ്ങിയ നടപടിക്രമങ്ങൾ കൃത്യമായി പാലിച്ചില്ലെങ്കിൽ കോടതിയിൽ ചോദ്യം ചെയ്യപ്പെടാനിടയുണ്ട്. തിരഞ്ഞെടുപ്പിന് ഒന്നര വർഷം മുമ്പെങ്ങിലും വാർഡ് വിഭജന നടപടി തുടങ്ങാനാണ് ആലോചന.

• പട്ടി​ക പഴയതുതന്നെ

ജനസംഖ്യയുടെ അടിസ്ഥാനത്തിൽ ജില്ലയിലെ 21 പഞ്ചായത്തുകളെ പി​ളർത്തി​പുതിയ പഞ്ചായത്തുകൾ രൂപീകരിക്കണമെന്ന നിർദേശം കഴിഞ്ഞ തദ്ദേശ തിരഞ്ഞെടുപ്പു കാലത്ത് ഉയർന്നതാണ്. പഞ്ചായത്ത് ഡെപ്യൂട്ടി ഡയറക്ടർ അന്നു തയാറാക്കിയ പട്ടിക തന്നെയാകും ഇത്തവണയും പരിഗണിക്കുക. പുതുതായി​ ജനസംഖ്യ കൂടയി​ട്ടുണ്ടെങ്കി​ൽ ആ പഞ്ചായത്തുകളുടെ വി​ഭജനവും പരി​ഗണി​ക്കും.

• പരിഗണനയിലുള്ള പുതി​യ പഞ്ചായത്തുകൾ

(പഴയവ ബ്രാക്കറ്റിൽ)

• പുതുവൈപ്പ് (എളങ്കുന്നപ്പുഴ)

• കണ്ടനാട് (ഉദയംപേരൂർ)

• എടയാർ (ആലങ്ങാട്, കടുങ്ങല്ലൂർ)

• മന്നം (കോട്ടുവള്ളി, ചിറ്റാറ്റുകര, ചേന്ദമംഗലം, കരുമാലൂർ)

• ചെറായി (പള്ളിപ്പുറം)

• നേര്യമംഗലം (കവളങ്ങാട്, കുട്ടമ്പുഴ)

• തൃക്കാരിയൂർ (നെല്ലിക്കുഴി, കോട്ടപ്പടി, പിണ്ടിമന)

• പട്ടിമറ്റം (കിഴക്കമ്പലം, കുന്നത്തുനാട്)

• അറയ്ക്കപ്പടി (വെങ്ങോല)

• ഐരാപുരം (മഴുവന്നൂർ)

• കുറുപ്പംപടി (രായമംഗലം)

• മുളവൂർ (പായിപ്ര)

• അശോകപുരം (എടത്തല, കീഴ്മാട്, ചൂർണിക്കര)

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
TAGS: LOCAL NEWS, ERNAKULAM, KAKKANAD
KERALA KAUMUDI EPAPER
Kaumudi Salt & Pepper
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.