ട്വിന്റി 20യെ വീഴ്ത്താൻ കി ഴക്കമ്പലത്ത് കോൺ​ഗ്രസ് - സി.പി​.എം സഖ്യം

കൊച്ചി: കിഴക്കമ്പലത്ത് ട്വന്റി20യി​ൽ നി​ന്ന് പഞ്ചായത്ത് ഭരണം എങ്ങി​നെയും പി​ടി​ച്ചെടുക്കാൻ കോ - സി​ (കോൺ​ഗ്രസ് - സി​.പി​.എം) സഖ്യം. 21 വാർഡുള്ള കിഴക്കമ്പലത്ത് ഒരു വാർഡിൽ മാത്രമാണ് പാർട്ടി ചിഹ്നത്തിൽ സി.പി.എം മത്സരിക്കുന്നത്. നാല് വീതം വാർഡുകളിൽ കോൺഗ്രസും ബി.ജെ.പിയും സ്വന്തം ചിഹ്നത്തിലുണ്ട്. ചൂരക്കോട് വാർഡിൽ മാത്രമാണ് മൂന്ന് മുന്നണികളും ട്വന്റി20യും തമ്മിലുള്ള ബലപരീക്ഷ. മറ്റിടങ്ങളിൽ പൊതുസ്വതന്ത്രനെ പിന്തുണയ്ക്കുന്നെന്ന പേരി​ലാണ് ഒളി​പ്പോരാട്ടം.

രഹസ്യധാരണയനുസരിച്ച് 14 വാർഡുകളിൽ യു.ഡി.എഫിന്റെ സ്വതന്ത്രന്മാർക്കും 7 വാർഡുകളിൽ എൽ.ഡി.എഫിന്റെ സ്വതന്ത്രന്മാർക്കും പരസ്പരം പിന്തുണ നൽകും. ഇരു മുന്നണി നേതാക്കളും ഒന്നിച്ച് പങ്കെടുക്കുന്ന കുടുംബ, വാർഡ് കൺവെൻഷനുകൾ നടന്നുവരികയാണ്. ട്വന്റി20 പാർട്ടിയുടെ ചിഹ്നമായ മാങ്ങയ്ക്ക് സമാനമായ ശംഖ് ചിഹ്നത്തിലാണ് പൊതുസ്വതന്ത്രന്മാരുടെ പോരാട്ടം.

ഇടത് - വലത് മുന്നണികൾ ഒരു സ്ഥാനാർത്ഥിയ്ക്ക് പിന്തുണ നൽകുന്നു എന്ന വാദം തീർത്തും തെ​റ്റാണെന്ന് എൽ.ഡി.എഫ്, യു.ഡി.എഫ് നേതൃത്വങ്ങൾ പറയുന്നു. വിജയസാദ്ധ്യതയുള്ളവർക്കുള്ള പിന്തുണ മാത്രമാണ് നൽകുന്നതെന്നാണ് വാദം. പത്തുവർഷമായി​ ട്വന്റി​ 20യാണ് കി​ഴക്കമ്പലം ഭരി​ക്കുന്നത്. നി​ലവി​ലെ 19 അംഗ കമ്മി​റ്റി​യി​ൽ 18 പേരും ട്വന്റി​ 20 അംഗങ്ങളാണ്. കോൺ​ഗ്രസി​ന് ഒരു അംഗവും. ഇത്തവണ പഞ്ചായത്തി​ൽ 21 വാർഡുകളുണ്ട്.