ചാമുണ്ഡിക്കുന്ന് കളിയാട്ടം തിരുമുൽക്കാഴ്ച

കാഞ്ഞങ്ങാട്: ചാമുണ്ഡിക്കുന്ന് വിഷ്ണു ചാമുണ്ഡേശ്വരി ദേവസ്ഥാനം കളിയാട്ട മഹോത്സവത്തിന്റെ ഭാഗമായി ക്ഷേത്രത്തിൽ തിരുമുൽക്കാഴ്ച സമർപ്പണം നടന്നു. മടിയൻ കുന്ന് താനത്തിങ്കാൽ വയനാട്ടുകുലവൻ ദേവസ്ഥാനത്തുനിന്നും പുറപ്പെട്ട തിരുമുൽക്കാഴ്ച ബാലികമാരുടെ താലപ്പൊലി, മുത്തുക്കുട, ശിങ്കാരിമേളം, പൂക്കാവടി, കാവടിയാട്ടം വാദ്യമേളം, ദേവ നൃത്തം, മ്യൂസിക് ബാൻഡ്, നിരവധി നിശ്ചല ചലന ദൃശ്യങ്ങൾ എന്നിയവയുടെ അകമ്പടിയോടെ ക്ഷേത്രത്തിലെത്തി പൂമാരുതൻ തെയ്യത്തിന്റെ വെള്ളാട്ടത്തിന് മുന്നിൽ സമർപ്പിച്ചു. ഇന്നലെ രാവിലെ മുതൽ പൂമാരുതൻ, രക്ത ചാമുണ്ഡി, ഭഗവതി, വിഷ്ണുമൂർത്തി തെയ്യങ്ങൾ അരങ്ങിലെത്തി .ഇന്ന് രാവിലെ മുതൽ വിവിധ തെയ്യങ്ങളുടെ പുറപ്പാട് നടക്കും. രാത്രി വിദ്യാഭ്യാസ അവാർഡ് വിതരണവും കലാസന്ധ്യയും അരങ്ങേറും.കളിയാട്ടം ഡിസംബർ ഒന്നിന് സമാപിക്കും.