ടെക്നിക്കൽ ഹൈസ്‌കൂൾ വാർഷികവും യാത്രയയപ്പും

കണ്ണൂർ: നെരുവമ്പ്രം ഗവൺമെന്റ് ടെക്നിക്കൽ ഹൈസ്‌കൂൾ വാർഷികാഘോഷവും സ്‌കൂൾ സൂപ്രണ്ട് കെ. പ്രദീപിനുള്ള യാത്രയയപ്പും നടന്നു. എം. വിജിൻ എം.എൽ.എ ഉദ്ഘാടനം ചെയ്തു. ചടങ്ങിൽ ഏഷ്യൻ മാസ്റ്റേഴ്സ് മീറ്റിൽ 400 മീറ്റർ ഹാർഡിൽസ് വെള്ളിമെഡൽ നേടിയ അദ്ധ്യാപകൻ കെ.കെ മാത്യു,​ സംസ്ഥാന ടെക്നിക്കൽ കലാ-കായിക, ശാസ്ത്രമേളകളിൽ വിജയികളായ കുട്ടികൾ എന്നിവരെ അനുമോദിച്ചു. ഏഴോം ഗ്രാമപഞ്ചായത്ത് പ്രസിഡന്റ് കെ.എൻ ഗീത അദ്ധ്യക്ഷത വഹിച്ചു. കെ. ഷിജി, ഇ. സുരേഷ് ബാബു,​ കെ.വി വിനോദ് കുമാർ,​ ജയ്സൺ ഡി. ജോസഫ്, കെ.വി സുരേഷ് കുമാർ, എ.വി വത്സല, കെ.വി അശോക് കുമാർ, കെ.വി കിരൺകുമാർ, വിപി. താജുന്നീസ, പി. സവിത, എൻ. താജുദ്ദീൻ എന്നിവർ പ്രസംഗിച്ചു. പി. സുധീർ സ്വാഗതവും എൻ. ശ്യാംകുമാർ നന്ദിയും പറഞ്ഞു.