കൈ കഴുകൽ വാരാചരണം

പയ്യന്നൂർ : ആഗോള കൈകഴുകൽ വാരാചരണത്തിന്റെ ഭാഗമായി നഗരസഭാ തല കൈകഴുകൽ പരിപാടി സംഘടിപ്പിച്ചു. ചെയർപേഴ്സൺ കെ.വി.ലളിത ഉദ്ഘാടനം ചെയ്തു. വൈസ് ചെയർമാൻ പി.വി.കുഞ്ഞപ്പൻ , സ്ഥിരം സമിതി അദ്ധ്യക്ഷൻമാരായ സി.ജയ, വി.ബാലൻ, വി.വി. സജിത, ടി.വിശ്വനാഥൻ, ടി.പി. സെമീറ , നഗരസഭ സെക്രട്ടറി എം.കെ.ഗിരീഷ്, ഹെൽത്ത് ഇൻസ്പെക്ടർ സി.സുരേഷ് കുമാർ തുടങ്ങിയവർ സംബന്ധിച്ചു.

നഗരസഭ അന്നൂർ യു.പി.സ്കൂളിൽ സംഘടിപ്പിച്ച കൈ കഴുകൽ പരിപാടി പ്രധാനാദ്ധ്യാപിക പി.യു.ബിന്ദു ഉദ്ഘാടനം ചെയ്തു. വ്യക്തിശുചിത്വം അനിവാര്യമാണെന്നറിയിച്ചു.38-ാം വാർഡിൽ നടന്ന ഉദ്ഘാടനം കൗൺസിലർ പി.വി.സുഭാഷ് നിർവ്വഹിച്ചു.