കൊല്ലം: ശ്രീനാരായണഗുരു ഓപ്പൺ യൂണിവേഴ്സിറ്റി കലോത്സവത്തിന്റെ പ്രചാരണ പരിപാടിയുടെ ഭാഗമായി ഓപ്പൺ കാൻവാസ് സംഘടിപ്പിക്കുന്നു. കല സാമൂഹ്യ മുന്നേറ്റത്തിന് എന്ന വിഷയത്തിൽ നാളെ ഉച്ചക്ക് 12.30ന് ചിന്നക്കട പ്രസ് ക്ളബിന് മുന്നിൽ നടത്തുന്ന ഓപ്പൺ കാൻവാസ് എം.മുകേഷ് എം.എൽ.എ സന്ദേശം എഴുതി ഉദ്ഘാടനം ചെയ്യും. കലോത്സവ സംഘാടക സമിതി ജനറൽ കൺവീനർ അഡ്വ. ബിജു.കെ.മാത്യു അദ്ധ്യക്ഷനാകും. യൂണിവേഴ്സിറ്റിയിലെ ബി.എ മലയാളം വിദ്യാർത്ഥികളുടെ കൂട്ടായ്മയായ 'മലയാളം കൂട്ടുകാർ' ആണ് പരിപാടി സംഘടിപ്പിക്കുന്നത്. മാർച്ച് 9,10 തീയതികളിൽ കൊല്ലം ശ്രീനാരായണ സാംസ്കാരിക സമുച്ചയത്തിലാണ് കലോത്സവം നടക്കുന്നത്. രചനാ മത്സരങ്ങൾ മാർച്ച് 3ന് നടക്കും.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |