ചെട്ടിക്കുടി കുടുംബ കൂട്ടായ്മ വാർഷികം

കൊല്ലം: ചാത്തന്നൂരിലെ അതിപുരാതനമായ ചെട്ടിക്കുടി കുടുംബത്തിന്റെ മൂന്നാമത് വാർഷികവും കുടുംബ സംഗമവും 28ന് രാവിലെ 9 മുതൽ ചാത്തന്നൂർ കൊച്ചാലുംമൂട്ടിലുള്ള നെടിയവിള ബാലചന്ദ്രൻ, ജയശ്രീ ദമ്പതികളുടെ വീട്ടിൽ നടക്കും. ഡോ. കെ.വി. സനൽകുമാർ അദ്ധ്യക്ഷത വഹിക്കും. മുതിർന്ന കുടംബാംഗം നെടിയവിള തങ്കപ്പൻ ഭദ്രദീപം തെളിക്കും. കോമഡി താരങ്ങളായ ശ്യാം ചക്കുവള്ളി, ശ്രീകുമാർ കുന്നത്തൂർ എന്നിവർ കലാപരിപാടി അവതരി​പ്പി​ക്കും. കോർപ്പറേഷൻ കൗൺസിലറായി തിരഞ്ഞെടുക്കപ്പെട്ട കുടുംബാംഗം സുജയെ ഡോ. കാവിള എം. അനിൽകുമാർ ആദരിക്കും. ശാലി ഗുരുദാസ്, രമ്യ രവീന്ദ്രൻ, ലതിക സത്യൻ, മഞ്ജു, സുജ, ബാലചന്ദ്രൻ, ഡോ.ദീപേഷ് , ഹരി, ഡോ. സുശീലൻ, വിമൽകുമാർ എന്നിവർ നേതൃത്വം നൽകും. ഡോ.കാവിള എം.അനിൽകുമാർ സ്വാഗതവും സുനിമോൾ നന്ദിയും പറയും.