പളനി ട്രെയിൻ പുനരാരംഭിക്കണം

കൊട്ടാരക്കര: മീറ്റർ ഗേജ് കാലത്ത് ചെങ്കോട്ട പാത വഴി സർവ്വീസ് നടത്തിയിരുന്ന പളനി കൊല്ലം കോയമ്പത്തൂർ ട്രെയിൻ സർവ്വീസ് പുനരാരംഭിക്കണമെന്ന് ആവശ്യപ്പെട്ട് കൊല്ലം ചെങ്കോട്ട റെയിൽവേ പാസഞ്ചേഴ്സ് അസോസിയേഷൻ അധി​കൃതർക്ക് നിവേദനം നൽകി. കേന്ദ്ര റെയിൽവെ അമിനിറ്റീസ് കമ്മിറ്റി മുൻ ചെയർമാൻ പി.കെ. കൃഷ്ണദാസിനും ബി.ജെ.പി സംസ്ഥാന അദ്ധ്യക്ഷൻ രാജീവ് ചന്ദ്രശേഖറിനുമാണ് നിവേദനം നൽകിയത്. പളനി വഴി കൊല്ലം ഈറോ‌ഡ് എക്സ്‌പ്രസ് ട്രെയിൻ എത്രയും വേഗം അനുവദിക്കാൻ നടപടി​ വേണമെന്ന് റെയിൽവേ

അധികൃതരുടെ ശ്രദ്ധയിൽപ്പെടുത്തുമെന്ന് പി.കെ. കൃഷ്ണദാസ് അറിയിച്ചു. അസോ. പ്രസിഡന്റ് അഡ്വ. എൻ.ചന്ദ്രമോഹൻ, എൻ.ബി. രാജഗോപാൽ, അനിൽകുമാർ, വി. കലാധരൻ, സന്തോഷ് വെട്ടിക്കവല, സുജിത് എന്നിവര‌ാണ് നിവേദനം നൽകിയത്.