യു.വി ബോക്‌സ് ഉദ്ഘാടനം

കരുനാഗപ്പള്ളി: താലൂക്ക് ആശുപത്രിയിൽ ഹരിത കേരളം മിഷൻ സ്ഥാപിക്കുന്ന യു.വി ബോക്‌​സിന്റെ ഉദ്ഘാടനം നഗരസഭ ചെയർപേഴ്‌സൺ പി.സോമരാജൻ നിർവഹിച്ചു. നവകേരളം കർമ്മ പദ്ധതിയുടെ ഭാഗമായി, മെഡിക്കൽ ഉപകരണങ്ങൾ അണുവിമുക്തമാക്കാനുള്ള അൾട്രാവയലറ്റ് ബോക്‌​സാണ് ഹരിത കേരളം മിഷൻ ആശുപത്രിക്ക് നൽകിയത്. നഗരസഭ ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്‌​സൺ മുനമ്പത്ത് ഗഫൂർ അദ്ധ്യക്ഷനായി. ആശുപത്രി കൺസൾട്ടന്റ് ഫിസിഷ്യൻ ഡോ. അനൂപ്കൃഷ്ണൻ സ്വാഗതം പറഞ്ഞു. നഗരസഭ വൈസ് ചെയർപേഴ്‌​സൺ ബീന ജോൺസൺ, വാർഡ് കൗൺസിലർമാരായ ഗിരീഷ് കുമാർ, സുനിൽ, ഹരിത കേരളം മിഷൻ ബ്ലോക്ക് കോ​ ഓർഡിനേറ്റർ സൂരജ് എന്നിവർ സംസാരിച്ചു.