സൗജന്യ നേത്ര ചികിത്സാക്യാമ്പ്.

കറുകച്ചാൽ . ചമ്പക്കര എ എസ് എസ് കരയോഗ സംയുക്ത സമിതിയുടെ സുവർണ ജൂബിലിയോടനുബന്ധിച്ച് സൗജന്യ നേത്രചികിത്സാ ക്യാമ്പും, സൗജന്യ കേൾവി പരിശോധനാ ക്യാമ്പും ഇന്ന് രാവിലെ 9 മുതൽ നെത്തല്ലൂർ കാർത്തിക ഓഡിറ്റോറിയത്തിൽ നടക്കും. അങ്കമാലി ലിറ്റിൽ ഫ്ളവർ ഹോസ്‌പിറ്റലി​ന്റെയും കറുകച്ചാൽ ശബ്ദ സ്പീച്ച് ആൻഡ് ഹിയറിംഗ് ക്ലിനിക്കിന്റെയും നേതൃത്വത്തിലാണ് പരിശോധന. സംയുക്ത സമിതി പുറത്തിറക്കുന്ന സമ്പൂർണ കുടുംബ ഡയറക്ടറിയുടെ പ്രകാശനവും നടക്കും. താലൂക്ക് യൂണിയൻ പ്രസിഡന്റ് ഹരികുമാർ കോയിക്കൽ ഉദ്ഘാടനം നിർവഹിക്കും. രാജേഷ് കൈടാച്ചിറ അദ്ധ്യക്ഷത വഹിക്കും.