പഠനസംഘം 20 ന് ശേഷം എത്തണം .

കോട്ടയം . റേഷൻ വിതരണവേളയിൽ ഇ-പോസ് മെഷീൻ നിശ്ചലമാകുന്നതിനെപ്പറ്റി പഠിക്കാൻ 10 ന് വിദഗ്ദ്ധസംഘം കേരളത്തിലേക്ക് വരുന്നത് അഭിനന്ദനാർഹമാണെന്ന് ഓൾ കേരള റീട്ടെയിൽ റേഷൻ ഡീലേഴ്സ് അസോസിയേഷൻ. എന്നാൽ എല്ലാ മാസവും ഇ-പോസിന്റെ മെല്ലപ്പോക്ക് ആരംഭിക്കുന്നത് 20 ന് ശേഷം കൂടുതൽ ആളുകൾ റേഷൻ വാങ്ങാൻ എത്തുമ്പോഴാണ്. ഈ സാഹചര്യം കണക്കിലെടുത്ത് കേരളത്തിലേക്ക് വരുന്ന വിദഗ്ദ്ധ സംഘം 20 ന് ശേഷം വിഷയം പഠിക്കാൻ എത്തണമെന്ന് ഓൾ കേരള റീട്ടെയിൽ റേഷൻ ഡീലേഴ്സ് അസോസിയേഷൻ സംസ്ഥാന സെക്രട്ടറി കെ കെ ശിശുപാലൻ അഭ്യർത്ഥിച്ചു.