മുണ്ടക്കയം . കൊക്കയാർ നാരകംപുഴ ഭാഗത്തു നിന്ന് മോഷ്ടിച്ച സൈക്കിളുമായി രണ്ടംഗ കുട്ടക്കള്ളൻമാരെ പൊലീസ് അറസ്റ്റു ചെയ്തു. മുണ്ടക്കയം പഞ്ചായത്തിലെ വേലനിലത്തു നിന്ന് കഴിഞ്ഞദിവസമാണ് ഇവർ പിടിയിലായത്. ശനിയാഴ്ച രാത്രി 11ന് നാരകംപുഴ കറുത്തോരുവീട്ടിൽ പരീത്ഖാൻ, ഇടത്തുംകുന്നേൽ അൻവർസലിം, പേരകത്തു വയലിൽ ജോഷ്വാ എന്നിവരുടെ വീടുകളിൽ നിന്നാണ് സൈക്കിൾ മോഷ്ടിച്ചത്. തുടർന്ന് സമീപത്തെ വീട്ടിലെ സി സി ടി വി കാമറയിൽ നിന്നാണ് മോഷ്ടാക്കളെ തിരിച്ചറിഞ്ഞത്. തുടർന്നു നടത്തിയ അന്വേഷണത്തിലാണ് 18 വയസിൽ താഴെയുള്ള രണ്ടംഗ സംഘം അറസ്റ്റിലായത്. ഇവരിൽ നിന്ന് ആദ്യം രണ്ട് സൈക്കിളും പിടിച്ചെടുത്തു. തുടർന്ന് നടന്ന പൊലീസ് ചോദ്യം ചെയ്യലിൽ ലഭിച്ച വിവരത്തിൽ നിന്നാണ് സമീപത്തെ സർക്കാർ സ്കൂളിനടുത്തുള്ള ആളൊഴിഞ്ഞ പറമ്പിൽ നിന്ന് മൂന്നു സൈക്കിളുകൾ കൂടി കണ്ടെത്തി. കൂടാതെ കൂട്ടിക്കൽ ടൗണിൽ നിന്ന് മറ്റൊരു സൈക്കിളു ലഭിച്ചു. സംഘത്തിലെ ബാക്കി കുട്ടികളെയും തിരിച്ചറിഞ്ഞിട്ടുണ്ട്. പിടികൂടിയവരെ താക്കീത് ചെയ്ത് രക്ഷിതാക്കൾക്കൊപ്പം വിട്ടയച്ചു. മോഷ്ടിക്കുന്ന സൈക്കിളുകളുടെ നിറവും സ്റ്റിക്കറും മാറ്റി വിൽക്കുകയാണ് സംഘത്തിന്റെ പതിവ്. ക്രിസ്മസ് കരോളുമായി സംഘം മേഖലയിൽ പോയപ്പോൾ കണ്ടുവച്ച സൈക്കിളുകളാണ് മോഷ്ടിച്ചതെന്നു സംഘം പൊലീസിനോട് പറഞ്ഞു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |